Samtang naglakaw ko ganina gikan sa estasyon sa train padulong sa among balay, nisulod sa akong hunahuna si Manny Pacquiao..ambot ug ngano nga sya man jud hehe Siguro tungod kay karong panahuna, nagsige jud ko ug hunahuna unsaon padaghan sa akong kwarta haha pastilan!
Kung ako si Manny....
- magpalit ko ug balig P50M nga stocks sa Pilipinas
- mag-invest ko ug $40M pod nga stocks diri sa Australya
- mag-invest pod ko sa mutual funds, managed funds ug magtop-up sa akong Superannuation
- magpalit ko ug mahalon nga mansion nga ang view atubang sa Sydney Opera House ug Sydney Harbour Bridge, pwede katong tapad sa balay sa Prime Minister
- magtukod pod ko ug rest house sa Tagaytay overlooking sa Taal Lake ug isa pa jud ka rest house sa Baguio City
- magpalit ko ug farms sa Bukidnon ug sa Davao kanang naay tanum nga mga pinya, durian, nangka, saging ug sabana
- mag-invest ko ug rental properties..taman sa maabot sa akong kwarta daghan kaayo
- moadto ko sa tanang state sa Australya, Hamilton Island, sa Hongkong, New Zealand, Europe, US, Greece ug siguro sa Abu Dhabi didto sa Ferrari World kay ganahan si Vince didto
- Diri gihapon ko puyo sa Australia maski datu na kaayo ko pero mag-uli ko sa Pilipinas kada 6 ka bulan
- Mag-hire ko ug maids diri sa Australia aron dili na ko manglaba, mamalantsa ug manghugas ug plato
- mag-trabaho gihapon ko part-time aron dili ko ma-bored pero dili ko magsaba sa akong mga kauban nga datu ko
- magpa-skwela ko ug mga pag-umangkon, kanang dili balingagan
- magtukod ko ug restaurant..kanang naay sisig, kinilaw, sinigang, lechon ug ginamos sa menu (ooops ayaw pagbuot!)
- naghunahuna pa ko if magpa-Bello or Calayan..
- magpalit ko ug daghan sapatos, dyamon, Oroton nga bag (haha wala ko nangambisyon ug LV oi) ug Mac nga lipstick (tawon pod)
- mobalik ko sa Pearl Farm sa Davao ug sa Vanishing Island, mag-holiday ko didto ug 2 weeks.
-moadto pod ko sa Siquijor, dal-on nako akong mga paborito nga parente ug higala
- magpalit ko ug night club, kanang naay banda aron didto magtambay akong mga pamilya ug higala
Haaay, kanindot magdamgo!
Kanindot mahimong Manny Pacquiao, basta dili lang ta pirmi sumbag-sumbagon hehe
Mao ra to!
3 comments:
ayaw kabalaka, i guide ta ni Lord nga mahimong 'Manny Pacquiao' puhon. =)
puhon-puhon....padayon sa ta sa atong next level "shopping".
hahahah! perte! mamatay ko ug katawa sis.:) pero grabeee.. friends gyud diay ta kay ingon ani pud akong mga damgo (kadagko) amen! bitaw, in due time, kung di ni mawala sa atong kasing kasing, ug kung motuo gyud ta na makuha nato ni, walay imposible di ba?:)
Sa pagkakaron, manrabaho sa ta ug taman samtang ipadayon ang atong mga damgo!
natakdan ko sa pagkabisaya nimo hahahah.. love you sis!
Post a Comment